عذاب العاشقين

**دلال** الإثنين مايو 03, 2010 2:31 pm

يا ستار الصمت وش تخفى وراك
الله أكبر حتى ظلك ما يبين

الفرح والحزن ماحرك شفاك
ما وجدتك لا سعيد ولا حزين

لو يلوح البرق في عالي سماك
ينكسر ضوحه من اشراق الجبين

القمر بالليل لو نوره غشاك
ما هقيته يكشف اسرار الكنين

من يشوفك في عيوني يا ملاك
لك ينادي يا عذاب العاشقين

يرتجف لك شوق من فرحة لقاك
وينتهي نومه على جسر الونين

كيف أنا اللي عايش لوعة هواك
اشتكي مأساة حبك من سنين

يا عديم الوصف في صمتك هلاك
انتظاري طال جعل الله يعين

هو حداك الشوق والا ما حداك
لو تكرم عطني العلم اليقين